Për realizimin e këtij fustani nusesh janë dashur 3 persona dhe plotë 300 orë punë. Mirëpo, me sa duket, askush nuk mund ta veshë. Arsyeja? Veshja në të vërtetë nuk është dhe aq veshje sa duket, por është një tortë. I gjatë thuajse dy metra, kjo tortë-fustan peshon mbi 75 kilogramë dhe është bërë nga çokollatë fondente.
Siç raporton Metro.uk është krijuar nga e famshmja “skulptore e tortave”, Sylvia Elba, nga themeluesja e “Fun N Funky Cake”, Yvette Marner, si dhe nga artistja Ilinka Rnic. Emri i fustanit është Weddible Dress.
Fustani ka një bust të gjatë, një pjesë fundi të dendur dhe është e mbuluar në një pjesë të madhe të saj me perla. Në një shikim të parë ky fustan duket tërësisht si i vërtetë, duke qenë se edhe është punuar nga profesionistë, por sa keq që askush nuk do të mund ta veshë dot kurrë. /tesheshi.com/
