Duke bërë një rezyme të punës 1-vjeçare në krye të dikasterit që drejton, ministri i Punës dhe Mirëqenies Sociale në qeverinë e Kosovës, Arban Abrashi, bëri me dije dhe shifrat e atyre që kërkojnë punë në Kosovë.
“Qëllimi kryesor në sektorin e punësimit ka qenë funksionalizimi i sistemit të regjistrimit të punëkërkuesve ku janë 115,868 punëkërkues të regjistruar prej tyre 50,666 femra. Një numër i madh i punëkërkuesve nuk janë ne gjendje të hyjnë në tregun e punës andaj duhet investuar shumë në këtë drejtim”.
Ai tha se viti 2016 do e ketë prioritet punësimin, ndërkohë që përmendi dhe problemet buxhetore të dikasterit të tij, sidomos fondin për punësimin, të cilin e quajti të majaftueshëm. Abrashi komentoi dhe valën e pazakontë të ikjes masive të kosovarëve afro një vit më parë, kur tha se: “Migrimi i madh e ka zënë këtë departament të papërgatitur. Rreth 60-70% të emigruarve janë kthyer vullnetarisht. Fondi për emigrantët është 3 deri ne 4 milionë euro”.
/tesheshi.com/
