“Ta mbajmë kokën lart”, “me kokën lart ecim përpara”, “kokën lart e duart plot”, janë këto disa nga frazat që fare lehtë u ndihet era majtizëm teksa artikulohen. Ato kanë qenë me shumicë pjesë e vokabularit komunist në ligjërimin ideologjik.
Por që efektet e molepsëse të tyre paskan qenë aq të forta, sa që edhe pas 25 vitesh ato vijojnë të jenë ne përdorim, paradoksalisht dhe nga personazhe të djathta, që për më tepër janë të rinj dhe që nuk kanë asnjë arsye të huazojnë shprehi bajate të asaj kohe.
Për të qenë më konkret, kjo frazë është artikluar nga Ervin Salianji, një prej figurave të reja në PD-së që është angazhuar së fundi me ringritjen e strukturave të reja të Forumit Rinor Demokrat. Në një status të tij në FB, ai shkruan:
“Vazhdojme me koken lart dhe me plot te rinj drej projektit tone per ristrukturimin dhe ringritjen e FRPD! Falenderojme te rinjte e Kukesit, Tropojes dhe Hasit per voten qe i dhane projektit tone te perbashket. Neser jemi ne Elbasan!”
Pra, para se të ristrukturohet forumi, është e domosdoshme që të ristrukturohet dhe gjuha e demokratëve, për t`u pastruar tërësisht nga mbetje komuniste si tipit “kokën lart”. /tesheshi.com/
