Më shumë se 24 orë pas zhdukjes nga radari të avionit të një kompanie egjiptiane që po fluturonte nga Parisi për në Kajro, ende nuk ka asnjë gjurmë të tij.
Një kërkim i përmasave të mëdha, ku janë përfshirë ushtarake egjiptiane, greke, franceze dhe britanike, po kryhet pranë ishullit grek të Karpathosit.
Lajmet e dhëna të enjten se janë gjetur mbetje të avionit kanë rezultuar të pavërteta. Brezat e shpëtimit dhe materialet pluskuese që u pikasën afër ishullit grek nuk i përkisnin avionit Airbus A320.
Avioni do ta niste fluturimin MS804 nga Parisi në të mbyllur të së mërkurës, e mendohej të arrinte në
Kajro pas orës tre të mëngjesit të së enjtes. Airbus-i mbante në të 56 pasagjerë dhe 10 punonjës të ekuipazhit.
Lidhja me kontrollorët e trafikut ajror do të shkëputej në të hyrë të avionit në hapësirën egjiptiane, për t’u zhdukur më pas nga radari.
Pretendohet që avioni të ketë bërë dy kthesa të forta përpara se të ketë humbur lartësi dhe të ketë rënë në det.
Një defekt teknik apo një sulm terrorist mendohet të jetë shkaku i rrëzimit të avionit, por më së pari duhen gjetur mbetjet e tij. /tesheshi.com/
