Federata Europiane e Futbollit, UEFA, ka njoftuar se do të marrë masë disiplinore për klubet, tifozët e të cilëve mbështesin kriminelët e luftës, ku veçoi Zeniti rus nga Shën Petersburg dhe klubet Partizani dhe Crvena Zvezdës të Beogradit të cilat rrezikojnë të dënohen nga kjo Federatë.
Krimineli i luftës Ratko Mlladiç, i cili u dënua me burgim të përjetshëm në gjykatën e Hagës, ka marrë mbështetje nga tifozët serbë dhe rusë në ndeshjet e ligës evropiane të së enjtes.
Gjatë ndeshjes në Shën Petersburg kundër Vardarit të Shkupit, tifozët e Zenitit ngritën një baner me mbishkrimin “Ratko Mlladiç – heroi serb”.
Në Beograd, gjatë ndeshjes mes Partizanit dhe Young Boys të Zvicrës, tifozët serbë shfaqën një baner me me mesazhin “Falendëruar qoftë nëna që të solli në jetë”.
Mbështetje për Mlladiçin pati edhe nga tifozët e Crvena Zvezdës, e cila luajti ë Bjellorusi.
Dhoma Gjyqësore e Tribunalit Ndërkombëtar për ish-Jugosllavinë në Hagë shpalli Mlladiçin fajtor për genocid të kryer në Srebrenicë dhe për krime kundër njerëzimit në Bosnje. /tesheshi.com/
