Lionel Messi dhe i ati kanë marrë mbështetje të plotë nga klubi katalanas pasi Gjykata e Lartë e Spanjës la në fuqi vendimin me burg për ta për mashtrim me taksat.
Në faqen elektronike të Barcelonës thuhet se, “Klubi përsërit edhe një herë mbështetjen e plotë për Lionel Messi-n, të atin, Jorge Messi-n, dhe familjen e tij.”
E njëjta deklaratë thotë gjithashtu: “Presidenti i Barcelonës, Jose Maria Bartomeu, komunikoi me familjen e lojtarit për t’i përcjellë mbështetjen e tij. Klubi do të vazhdojë të qëndrojë në krah të Leo Messi-t, të të atit dhe të familjes së tij.”
Dënimi për lojtarin më të mirë të Barcelonës është me 21 muaj burg, ndërkohë që si ai dhe babai i tij nuk ka gjasa që të shkojnë pas hekurave.
Eshtë goxha e gjatë historia e mashtrimit me taksat nga Lionel Messi, por lojtari e ka mohuar vazhdimisht që të ketë gisht në diçka të tillë apo që të ketë patur dijeni për të. /tesheshi.com/
