Sipas Qendrës Kërkimore Pew, një sondazh i kryer midis qytetarëve të 13 vendeve anëtare të NATO-s, tregoi se mesatarisht rreth gjashtëdhjetë për qind e të anketuarve kanë një qëndrim pozitiv ndaj kësaj aleance ushtarake perëndimore.
Rezultatet e hulumtimit janë publikuar në prag të samitit të NATO-s, i cili zhvillohet nga 9 deri më 11 korrik në Uashington, në një kohë shumë sfiduese për aleancën ushtarake perëndimore 75-vjeçare.
Tridhjetë e dy vende anëtare të NATO-s po rregullojnë planet dhe strategjitë e tyre afatgjata për t’iu kundërvënë presidentit rus Vladimir Putin dhe për t’iu përgjigjur kërkesave të Ukrainës në luftën kundër forcave pushtuese ruse.
Nga ana tjetër, rikandidimi i Donald Trump për presidencën e SHBA-së, një njeri tejet kritik për aleatët e NATO-s dhe me admirim për presidentin rus Vladimir Putin, shqetëson disa vende anëtare të Aleancës në lidhje me angazhimin e ardhshëm të SHBA, ushtria dhe ekonomia më e fortë në NATO – në.
Mbështetja për NATO-n midis 13 vendeve ku u krye sondazhi ishte më e larta në Poloni me 91 për qind, e ndjekur nga Holanda me 75 për qind dhe Suedia me 72 për qind.
Polonia dhe Suedia janë fqinjë të Rusisë, Suedia ka një kufi detar me të dhe Polonia një kufi me enklavën ruse të Kaliningradit, ndërsa Suedia është anëtarja më e re e Aleancës, e cila është anëtarësuar zyrtarisht këtë vit. Ajo ndryshoi politikën e saj neutrale dhe kërkoi anëtarësim pas fillimit të pushtimit rus të Ukrainës në vitin 2022.
Në Turqi, mbështetja pothuajse u dyfishua
Vetëm 37 për qind e të rriturve në Greqi thonë se mbështesin NATO-n, më e ulëta në mesin e vendeve të anketuara, ndërsa 59 për qind thanë se kanë një pikëpamje të pafavorshme për aleancën.
Sondazhi zbuloi se 63 përqind e njerëzve në Kanada e shohin NATO-n në mënyrë të favorshme, 66 përqind në Britani, 64 përqind në Gjermani, 63 përqind në Hungari, 60 përqind në Itali, 54 përqind në Francë, 45 përqind në Spanjë dhe 42 përqind në Turqi.
Kur bëhet fjalë për Turqinë, ajo është pothuajse me dy herë më shumë mbështetje për NATO-n sesa sondazhi i mëparshëm në atë vend, i cili u zhvillua në vitin 2019.
Qendra publikoi më parë rezultatet nga SHBA, ku 58 përqind e të anketuarve mbështesin NATO-n.
Hulumtimi është kryer nga fillimi i janarit deri në mes të majit. /tesheshi.com/
