Parlamenti izraelit ka miratuar të hënën ligjin që u ndalon hyrjen në vend personave që mbështesin bojkotin ndaj Izraelit.
Sipas këtij ligji, nuk do t’i jepet vizë apo leje banimi asnjë personi që nuk është qytetar izraelit apo banor i përhershëm nëse ai apo organizata në të cilën merr pjesë ka bërë thirrje publike për bojkot ndaj Izraelit.
Edhe pse Ministria e Brendshme do të ketë mundësi të bëjë përjashtime në raste të veçanta, individët që bëjnë thirrje për bojkot ekonomik, kulturor dhe akademik të Izraelit apo të ngulimeve izraelite në territoret palestineze nuk do të lejohen të hyjnë me viza në shtetin hebre, e as do t’u njihen të drejtat e banimit.
Ky ligj mund të përdoret, sipas gazetës izraelite Haaretz, kundër palestinezëve që gjenden në Izrael si banorë të përkohshëm e që kanë bërë kërkesën për banim të përhershëm.
Ligji i i ri u përligj me shtimin në vitet e fundit të thirrjeve për ta bojkotuar Izraelin. /tesheshi.com/
