Shefat e vendeve anëtare të BE-së, Donald Tusk dhe Jean-Claude Juncker kanë mbështetur qeverinë e presidentit turkm Tayyip Reçep Erdogan dhe kanë bërë thirrje për kthim të shpejtë në normalitet, pas përpjekjeve të natës së kaluar për një grusht shtet.
“Tensionet në Turqi dhe sfidat në këtë shtet nuk mund të zgjidhen me armë”, tha presidenti i BE-së, Tusk për gazetarë gjatë një samiti Azi-Evropë në Mongoli.
“Grusht-shtetet nuk kanë vend në Turqinë moderne. Nuk ka alternativë tjetër veç asaj të demokracisë dhe sundimit të ligjit.”
Komentet erdhën pas një deklarate të përbashkët nga z.Tusk, kreu i Komisionit Evropian z.Juncker dhe kreut të politikës së jashtme të BE-së, Federica Mogherini, të cilët bënë thirrje për një kthim të shpejtë të rendit kushtetues të Turqisë.
“Turqia është një partner i rëndësishëm për Bashkimin Evropian. BE mbështet plotësisht qeverinë e zgjedhur në mënyrë demokratike, institucionet e vendit dhe sundimin e ligjit”, shtoi ai. /tesheshi.com/
