86-vjeçarja festoi 70 vjet martesë me të dashurin e saj duke pozuar me fustanin e nusërisë që kishte blerë për 35 dollarë
Mbesa e tyre është fotografe dasmash dhe ka kapur çiftin në momente të buta.
Si është të festosh 70 vjet martesë?
Për një çift nga SHBA, 91-vjeçari Melvin dhe 86-vjeçarja Nancy, dashuria zgjat paçka kalimit të kohës. Ajo së fundmi është kapur nga objektivi i mbesës së tyre, fotografes së dasmave Anna Behning, në një sërë momentesh të buta, me rastin e përvjetorit të tyre.
Sipas Anna-s, gjyshërit e saj u njohën në një pistë patinazhi dhe u martuan më 6 janar 1952. Gjyshja e saj kishte veshur një fustan prej 35. Fustanin e nusërisë ajo e ka mbajtur deri më sot dhe e ka veshur sërish për 70-vjetorin e saj. Është mbresëlënëse se sa mirë është ruajtur ajo ndër dekada, por edhe fakti që ajo mbetet në përmasat e saj. Nga ana tjetër, bashkëshorti i saj ka veshur uniformën e tij ushtarake për nevojat e fotografimit të përvjetorit, pasi menjëherë pas martesës së tyre ka shkuar në ushtri për stërvitje dhe më pas ka luftuar në Kore.
Çifti i dashur vazhdon të jetojë në të njëjtin qytet, pranë pesë fëmijëve, 12 nipërve dhe 21 stërnipërve. “Gjyshërit e mi kanë qenë me mua që kur kam lindur”, tha fotografja për My Modern Met. “Afërsia që kam me gjyshërit e bëri edhe më të veçantë këtë foto”.
Çfarë këshille për marrëdhënie do të jepte Nensy 86-vjeçare bazuar në përvojën e saj të gjatë?
“Falni dhe bëni më të mirën që mundeni me jetën tuaj. Ndoshta nuk mund të pajtoheni gjithmonë e për çdo gjë, por mjafton të uleni dhe ta diskutoni atë me njëri-tjetrin derisa të arrini diku së bashku”. /tesheshi.com/
