Ka mbërritur në ujrat e Vlorës TEC-i lundrues i cili do i përgjigjet krizës energjitike në Shqipëri. Janë paralajmëruar dy të tillë, që sipas qeverisë do t’i paraprijnë vënies në funksion të TEC-it të Vlorës.
Ato pritet të prodhojnë deri në 114 MW/H energji elektrike, thënë ndryshe sa rreth 15 për qind e nevojave që vendi ka.
“Janë termocentrale lundruese, nisim fazën e parë të TEC-it të Vlorës, se do të na garantojë pavarësi energjetike që do të prodhohet nga ato anije, e kufizuar, por edhe e misheluar”, do thoshte ministrja Balluku muaj më parë kur u dha lajmi për ardhjen e tyre në Vlorë.
“Me mbështetjen edhe të ambasadores amerikane dhe kompanisë që punon për termocentralin e Vlorës, kemi arritur marrëveshje për të marrë me qira dhe për të ankoruar në Triport dy anije prodhuese të energjisë elektrike, të cilat do të prodhojnë energji deri sa TEC-i të vendoset në punë”, do thoshte gjithashtu Balluku. /tesheshi.com/
