Kanë nisur të mbërrijnë në Inspektaratin e Deklarimit dhe Kontrollit të Pasurive e Konfliktit të Interesave disa shtesa të reja “të freskëta” nga Brukseli, menjëherë pas hyrjes në fuqi të ligjit të vettingut.
Burime diplomatike i thanë tesheshi.com se ka një bashkëpunim të ngushtë ndërmjet Bashkimit Europian dhe autoriteteve shqiptare mbi nisjen e procesit të zbatimit të reformës në drejtësi.
Por siç mësohet, këto shkresa kanë detaje të rëndësishme që kanë të bëjnë me një verifikim pasurie të disa nga gjyqtarët e prokurorët më të përfolur të vendit dhe me një grup politikanësh.
Këto të dhëna kanë një vit që vijnë rregullisht në Tiranë, por vetëm ditët e fundit kanë ardhur disa materiale që konsiderohen si “xhevahire”, pasi pasi kanë të dhëna mbi krerët e gjyqësorit në vend.
Sipas rendit që do të nisë me zbatimin e ligjit të vettingut, Adriatik Llalla, Bashkim Dedja dhe Xhezair Zaganjori do të jenë tre zyrtarët e parë që do të kalojnë të parët në sitën e ndërkombëtarëve dhe të komisionit të posaçëm që do ta zgjedhë parlamenti shqiptar.
Por materialin shpjegues kryesisht për pasurinë, e ka përgatitur ILDKP në bashkëpunim me strukturat speciale të BE-së dhe Departamenti i Informacionit Klasifikuar në Kryeministri.
Siç mësohet, pothuajse ka mbërritur verifikimi i pasurisë së krerëve të gjyqësorit shqiptar dhe në veçanti më problematikë ka dalë Gjykata e Apelit e Tiranës dhe Prokuroria.
Më konkretisht, kanë mbërritur pasuritë e tre kryeprokurorëve të fundit të vendit: Adriatik Llalla, Ina Rama dhe Theodhori Sollaku. Ky i fundit, aktualisht avokat, ka edhe gruan gjyqtare apeli në Tiranë, pra subjekt i vettingut.
Sipas të dhënave më mirë në këtë verifikim ka dalë Ina Rama, por edhe kjo e fundit gjithsesi ka rezultuar se ka pasuri dhe prona që i janë gjetur jashtë deklarimit. Dhe pikërisht për këtë ajo është penalizuar dhe nuk ka mundur të zgjidhet dot si gjyqtare e Strazburgut, propozim që u bë zyrtarisht nga qeveria e Edi Ramës.
Ndërkaq, për Llalën dhe Sollakun mësohet se ka një mospërputhje jo të vogël të pasurisë së ngritur, ku një pjesë e saj nuk është deklaruar zyrtarisht.
Ndërsa Sollaku edhe pse e të justifikuar si avokat, sërish agjencitë e specializuara kanë gjetur mospërputhje serioze.
Pak kohë më parë, disa media akuzuan kryeprourorin aktual, Adriatik Lalla se zotëron pasuri të mëdha dhe një pjesë të saj e ka transferuar në Gjermani ku ka dërguar edhe familjen e tij.
Ndërkohë Top Channel, pak më vonë theksoi se këtë e ka bërë për arsye sigurie. /tesheshi.com/
