Disa fshatra në zonën e Fushë Krujës janë të kërcënuar nga mbetjet urbane të lumenjëve Zezë dhe Ishëm. Është kjo një situatë mjaft alarmante e mbartur ndër vite nga ndotja e madhe në tërë gjatësinë e dy lumenjëve. Banorët tregojnë për këtë skandal mjedisor që mbetet i pazgjidhur dhe mjaft kritik për zonën.
Ata e konsiderojnë si ndotjen më të madhe në vendin tonë nga prurjet e mbetjeve që sipas tyre shkarkohen nga lumi i Lanës dhe disa lumenjë të tjerë duke kaluar disa fshatra të zonës së Krujës dhe duke përfunduar në zonën e plazhit të Gudollës, i cili prej vitesh e shndërruar në landfill plehrash. Banorët më tej shtojnë se mjetet e pastrimit nga disa qytete shkarkohen gjatë natës pranë lumenjve në afërsi të Urës se Gjoles mbi lumin Zezë ngjitur me aksin nacional nga Fushë Kruja në Vorë.
Kryeqyteti është në tendencë të mbahet i pastër, por plehrat e tyre përfundojnë në lumin e Lanës dhe më pas rrjedha sjell tonelatat e në dy lumenjtë Zezë dhe Ishëm, duke përhapur ndotje të konsiderueshme në zonën e fshatrave të Krujës. Stina e sezonit veror mbetet akoma dhe më problematike nga burimet e infeksioneve, ndërsa dhe kafshët e ngordhura nganjëherë pëfundojnë pikërisht në këto lumenj. Këto të fundit përshkojnë disa fshatra të njësisë administrative të Krujës, ku ndodhen dhe banesa pranë shtartit të saj. A.Zani – /tesheshi.com/
