Situata e rënduar në Halep vijon të prodhojë ngjarje dhe episode të pazakonta, dhe padyshim historike.
Vajza 7-vjeçare Bana al-Abed, një ndër personazhet e rralla të luftës, nga Halepi i ëshët drejtuar ministrit të jashtëm turk, Mevlüt Çavuşoğlu përmes një postimi në Twitter, duke kërkuar ndihmë nga ai.
E mitura, e cila e është shndërruar në heroinë të mesazheve të saj në Twtter, e ka pyetur kreun e diplomacisë së Ankarasë:
“Zotëri Mevlüt Çavuşoğlu, ne kishim shpresë dje, por çfarë po ndodh tani?” Ajo vazhdoi postimin e saj duke thënë: “… Ju lutemi të na ndihmoni tani. Nuk ka mbetur shumë kohë. Ju faleminderit!”
Dhe Çavuşoğlu i është përgjigjur vajzës: “Mbahuni me shpresë, motra ime. Turqia dëgjon thirrjen tuaj. Ne po përpiqemi shumë për t’i dhënë fund makthit në të cilin po kaloni ju dhe shumë fëmijë të tjerë në Siri…”
Bana al-Abed është një personalitet i Twitter-it, e cila twiton më së shumti në lidhje me sulmet ajrore, vdekjen, frikën dhe urinë në Halepin lindor. Ajo bën thirrje për paqe, dhe rregullisht shpërndan fotot dhe videot nëpër Tëitter.
Llogaria e saj menaxhohet nga nëna e saj Fatima, e cila thuhet se është një mësuese e anglishtes. Ajo aktualisht ka mbi 280,000 ndjekës.
Forcat e regjimit të Asadit dhe militantët shiitë të mbështetur nga Irani kanë sulmuar Halepin të mërkurën, duke shkelur armëpushimin e fundit të arritur pas përpjekjeve të ndërmjetësimit nga Turqia. Zyrtarët e opozitës siriane konfirmuan sulmet në Halep dhe thanë se forcat e regjimit kanë rifilluar sulmet pavarësisht marrëveshjes për armëpushim. /tesheshi.com/
