Me 101 vota pro, 6 kundër, 3 abstenim dhe 1 deputet që nuk ka votuar, parlamenti vendosi ngritjen e Komisionit Hetimor për shkarkimin e Presidentit Ilir Meta, një punë që pritet të zgjasë tre muaj.
Hetimi ka për qëllim njohjen si dhe verifikimin e mënyrës së ushtrimit të kompetencave nga ana e Presidentit të Republikës lidhur me zhvillimin e zgjedhjeve për organet e qeverisjes vendore në përputhje me parimet kushtetuese si parimi i ndarjes dhe balancimit të pushteteve, shtetit të së drejtës dhe demokracisë funksionale, si dhe nxjerrjen e përgjegjësisë konkrete institucionale.
Do jenë pikërisht rezultatet e këtij komisioni, të cilat pritet t’i paraprijnë vendimit për shkarkim.
Dhe, siç mund të shihet dhe në këtë votim, mazhoranca duket se i ka votat e duhura. Si në votimin e rezolutës, ajo ka mundur të konfirmohet si e plotë në mundësinë për ta shkarkuar.
Dhe ja cila do jetë përbërja e Komisionit Hetimor:
1-Ulsi Manja, kryetar
2-Vasilika Hysi, anëtar
3- Klotilda Ferhati, anëtar
4-Bashkim Fino, anëtar
5-Alket Hyseni, anëtar
Nga opozita parlamentare:
1- Alban Zeneli- Zv. kryetar
2- Halit Valteri
3- Adriatik Alimadhi
Nga deputetët jashtë grupeve parlamentare:
1-Krenar Rryçi, /tesheshi.com/
