Mazhoranca startoi sot fushatën elektorale në Kolonjë për zgjedhjet e pjesshme lokale, ku u prezantua kandidati, Dr. Ilia Stefo.
“Kolonjarët nuk duhet të ndahen majtas e djathtas, megjithëse këtu, edhe djathtas, të majtë gjen. Vota duhet të jetë shprehje e respektit për një punë të nisur dhe e bindjes se vetëm duke kaluar stafeta brenda kësaj familjeje politike, puna e nisur mund të vazhdojë e mund të përfundojë. Projekti ynë nuk vazhdon dot duke ndërruar dorë”, tha Rama.
Ndërsa kandidati Ilia Stefo, tha nga ana e tij se rizgjimi i vlerave dhe ekonomisë së kësaj zone të mrekullueshme do të jetë objektivi i tij. Për Ramën, dr. Ilia Selfo është njeriu i duhur për ta drejtuar Bashkinë e Kolonjës.
Zgjedhjet e pjesshme në Kolonjë vijnë pas atyre në Dibër ku e majta fitoi thellë. Por motivet janë të ndryshme: në Dibër ish-kryebashkiaku Shukri Xhelili bëri një proçkë me kosto politike, ndërsa në Kolonjë, Arben Malo, njeriu që drejtonte bashkinë, ndërroi jetë. /tesheshi.com/
