Është miratuar sot nen për nen dhe në parim nga komisioni i posaçëm për reformën në drejtësi, vetëm me votat e mazhorancës, drafti për reformën në drejtësi.
Drafti përfundimtar është votuar në parim, me përjashtim të pikave ku nuk është gjetur dakordësia me Partinë Demokratike.
Në mbledhjen e ditës së sotme, opozita braktisi punimet ku nënkryetari demokrat i komisionit, Oerd Bylykbashi, insistoi duke dalë nga Kryesia e Kuvendit, në pranimin e mazhorancës së rekomandimit 88 të Komisionit të Venecias, që sipas tij garanton moskapjen e drejtësisë.
Miratimi në mbledhjen e komisionit u bë me praninë e ambasadorit amerikan Donald Lu dhe asaj të Bashkimit Europian, Romana Vlahutin. /tesheshi.com/
