Në pamundësi për të mbajtur seancën në sallën plenare, Kuvendi i Kosovës për të dytën herë është duke zhvilluar punimet në një sallë të improvizuar.
Mazhoranca po shqyrton në parim projektbuxhetin për vitin 2016-të.
Kryeministri Isa Mustafa e ka quajtur veprim kriminal atë që bëri opozita qaste më parë, kur ka hedhur sprej dhe gaz lotsjellës në seancën e Kuvendit.
Mustafa ka kërkuar nga institucionet e rendit që të merren masa ndaj atyre që kanë rrezikuar jetën e e deputetëve dhe kanë penguar punën e Kuvendit.
“Kjo kapërcen politikën, kapërcen rivalitetin, ata që bëjnë veprime të dhunshme duhet të përgjigjen sikurse edhe ata që bëjnë veprime të dhunshme nëpër rrugë”, tha ai.
Tha se nuk duhet lejuar që 30 deputetët të pengojnë punë e 90 të tjerëve.
Zv. kryeministri, Hashim Thaçi thotë se opozita ka sulmuar fizikisht dhe i ka quajtur veprime kriminale të çmendura përdorimin e sprejit dhe gazit lotsjellës, nga ana e deputetëve të opozitës. Ai tha se po pengohet puna e Kuvendit.
“Që një kohë ballafaqohemi me këto shfaqje në Kuvendit e Kosovës, duke dashur që t’i kontribuojmë qetësisë, kemi kaluar edhe vijën e kuqe të tolerancës. U përdor edhe helm ndaj kabinetit qeveritar. Duke mos pasur argumente për ballafaqim në Kuvend, deputetët opozitar i kanë sjellur të gjithë në një pozitë aspak të lakmueshme”, tha Thaçi, i cili shtoi se puna do të vazhdoje dhe se askush nuk do të pengojë punën e Kuvendit. “Toleranca ndaj këtyre veprimeve kriminale duhet të jetë zero”, tha ai. /tesheshi.com/
