Presidenti Meta pritet të reagojë, siç ka paralajmëruar zëdhënësi i tij Tedi Blushi, lidhur me heqjen që mazhoranca i bëri procedurës së betimit në Presidencës për njerëzit që emërohen në institucionet e reja të Reformës në Drejtësi. Edhe këtë, kreu i shtetit e konsideron si anti-kushtetuese.
Hapi i mazhorancës erdhi pas precedentit me Arta Vorpsin, ku Meta luajti me kartën e “betimit” për të emëruar në Kushtetuese të përzgjedhurën e tij – Marsida Xhaferllarin e jo Arta Vorpsin e votuar nga parlamenti. Kjo e dyta, u deyruar më pas që në respekt të procedurave, betimin t’ja dërgonte Presidentit në distancë, duke e noterizuar atë.
Tashmë Meta nuk e ka më në dorë edhe këtë armë, në duke formale, por që u shfrytëzua fort politikisht në një moment prej tij.
“Së pari dua të shpreh çudinë e madhe që ky ligj miratohet në errësirë të plotë, vetëm pak orë para fillimit të takimeve të Komisionit të Venecias në Tiranë, të thirrur nga vetë Kuvendi, që tregon një mungesë serioziteti të plotë, panik për ngut dhe fakt të kryer. Pra KAP ÇFARË TË KAPËSH.
Së dyti, për ne tashmë çudi përbën vetëm fakti kur ndonjëherë Kuvendi kalon ndonjë ligj që respekton Kushtetutën, pasi dhunimi sistematik i saj është kthyer në rregull. Por sot paradite jemi të fokusuar te takimi me përfaqësuesit e Komisionit të Venecias.
Ndërsa pasdite ju premtoj se Presidenti do të kuvendojë me ju direkt nga Presidenca, dhe me të gjithë shqiptarët, për qëllimin e vërtetë të ligjit për KRYEKÇK-në”, shkruan zëdhënësi Blushi. /tesheshi.com/
