Mazhoranca po i mëshon fort faktit se sasia e kokainës e kapur në Maminas muaj më parë, ka lidhje me individë në kupolën e PD-së. Për kundrapeshë akuzash apo jo, edhe më parë kryeministri Rama ka aluduar se nga Krimet e Rënda, të drejtuara deri dje nga tropojani Besim Hajdarmataj, është tentuar që të mbyllet dosja e Maminasit, ku kokaina e gjendur aty i përket po ashtu një tropojani, Arbër Çekajt, tashmë të kapur në Gjermani e që pritet të ekstradohet në Shqipëri
“Prisni e duroni. Ditët në vijim do të jenë të rëndësishme për lidhjet e personave të akuzuar për 613 kg kokainë me persona të rangjeve më të larta të PD-së”, tha së fundi kreu i deputetëve socialistë, Taulant Balla. Sikurse dhe Rama, ai e lidhi këtë me sajimin sipas tyre, të audiopërgjimit me personazh vëllanë e ministrit Xhafaj.
“Ne e dimë farë mirë që Bashën në këtë aventurë të rrezikshme është futur nga Sali Berisha për një arsye të thjeshtë, që ka të bëjë me drogën, por që ka të bëjë me 613 kg e kokainës të fshehur nën banane.
Kjo është dicka që nuk i bën mirë Shqipërisë megjithëse Basha pa e ditur është futur nga Berisha në një aventurë të rrezikshme”, tha Balla. /tesheshi.com/
