Nga mazhoranca i është kujtuar dhe njëherë presidentit Meta se ai po sillet si opozitar, përkundër pozicionit që ka si përfaqësues i unitetit të popullit, qoftë dhe të politikës.
Ishte ministrja për Marrëdhënie me Parlamentin, njëherëzh zëdhënëse e mazhorancës Elisa Spiropali, e cila duke komentuar deklarimin më të fundit të Metës pas takimit me Bashën në Presidencë, tha se “m’u duk pa kuptim”.
“Nuk mund të shprehet në mënyrë aq të anshme. Duhet të ndajë mendjen: është presidenti i të gjithë shqiptarëve apo pjesë e opozitës? Nëse është kështu, të tërhiqet dhe të dalë në zgjedhje në 2021. Tryezat e presidentit duhet të jenë për të bashkuar dhe jo për të përçarë. Presidenti është bashkëshorti i një kryetareje partie që është pjesë e opozitës”, tha Spiropali në një intervistë për A1 Report.
“Eshtë turp që kemi institucione si presidenti që janë të politizuara dhe nxisin sherrnaja në skenën politike”, theksoi Spiropali. /tesheshi.com/
