Kryeministrja britanike Theresa May paralajmëroi deputetët dy ditë para votimit mbi Brexit në parlamentin britanik se mospranimi i planit të saj për t’u larguar nga Bashkimi Evropian do të ishte katastrofike për Mbretërinë e Bashkuar, raporton Reuters.
Parlamenti duhet të votojë të martën mbi tërheqjen e Mbretërisë së Bashkuar nga BE, e cila u nënshkrua në maj.
Kryeministrja shtyu votimin në dhjetor, kur u bë e qartë se marrëveshja që kishte nënshkruar me Brukselin nuk do të mbështetej nga një numër i mjaftueshëm deputetësh, qoftë nga partia e saj apo nga partitë e tjera.
Tani, May duket të jetë disi më afër sigurimit të mbështetjes së nevojshme, por kryeministrja ka thënë se deputetët nuk duhet të braktisin njerëzit që votuan për Brexit, njoftoi media britanike.
“Nëse do ta bënin, do të ishte katastrofike për besimin në demokracinë tonë. Mesazhi im në parlament këtë fundjavë është i thjeshtë: është koha për të harruar lojrat dhe për të bërë atë që është e drejtë për vendin”, tha May.
Këto ditë, Ministri i Jashtëm Jeremy Hunt tha se Brexit nuk mund të hyjë në qoftë se marrëveshja e kryeministres rrëzohet.
Britania duhet të largohet nga Bashkimi Europian më 29 mars.
Sunday Times, duke cituar një burim të lartë qeveritar, njoftoi se kundërshtarët e Therese May kanë ndërmend të marrin kontrollin e parlamentit javën e ardhshme për të shtyrë ose pezulluar Brexit. /tesheshi.com/
