Qendërmbrojtësi kuqezi Mërgim Mavraj, i ka dërguar një mesazh publikut të zemëruar shqiptar pas humbjes katastrofike me Skocinë, ku i kërkon falje për gjestin e tij që e çoi të dalë me të kuqe.
Në një status në FB, ai i pranon kritikat por atë çfarë ka në gjoks karshi kombëtares.,
“E ndjej të kërkoj publikisht falje për atë moment dobësie. Të gjithë gabojmë dhe këtë herë më ndodhi mua. Për Kombëtaren kam luajtur dhe i dëmtuar, madje në situata edhe shumë më të vështira. Ndaj, ajo që kërkoj është të më kritikoni, sigurisht, por jo të vini në diskutim respektin dhe dashurinë për këtë fanellë e këto ngjyra.
Shohim përpara, me bindje se Shqipëria do të kthejë kapitull. Të gjithë bashkë mund t’ia dalim përsëri, por nëse jemi të ndarë atëherë mund të na mposhtë kushdo. Me respekt, Mërgim Mavraj”, shkruan kosovari i kombëtares.
Kapiteni i skuadrës kombëtare, Mavraj doli me të kuqe që pjesën e parë, duke i dhënë një goditje të rëndë psikologjike e taktike ekipit.
Para takimit, Rudi Vata, ish-qendërmbrojtës i Kombëtares, po në të njëjtin pozicion që luan Mavraj, tha se ai nuk ka më çfarë t’i japë ekipit. /tesheshi.com/
