Njeriu i Uashingtonit për Ballkanin Perëndimor rishprehu shqetësimin e tij në lidhje me qasjen serbe ndaj armatimit rus.
Përfaqësuesi Special i SHBA për rajonin, Matthew Palmer, në një intervistë për N1 TV në Bosnje, tha se kjo është ndër ato gjëra për të cilat ai nuk është dakort.
“Ne jemi të shqetësuar për besimin e ushtrisë serbe në ushtrinë ruse. Ne mendojmë se kjo nuk është mënyra më e mirë përpara për Serbinë, e cila dëshiron të shkojë më pranë anëtarësimit në Perëndim dhe BE, dhe kjo është arsyeja pse ne duam të punojmë për forcimin dhe thellimin e raporteve ndërshtetërore, përfshirë sigurinë. Ne do të dëshironim që Beogradi të na shihte si partnerë”, tha Palmer.
Ai tha se Ballkani është ende një përparësi e lartë për SHBA-të.
“Emërimi im tregon se ne jemi të përqëndruar në këtë çështje; ne jemi këtu, ne do të donim që Ballkani Perëndimor të integrohej në familjen evropiane”, theksoi zyrtari i lartë amerikan. /tesheshi.com/
