Matteo Renzi ka shpallur largimin e tij nga drejtimi i Partisë Demokratike italiane pas humbjes së rëndë në zgjedhje.
Por Renzi deklaroi se nuk do të largohet pa u formuar qeveria e re, për të mos lejuar ndonjë grupim që kërkon që të mbështetet një qeveri e “5 Yjeve”.
“Jemi betuar që të mos bëjmë qeveri me ekstremistët. Këtë do të bëjmë. Italianët na kanë votuar të jemi në opozitë dhe të tillë do të jemi. Nuk do të lejoj që të bëhen deformime.
Unë do të largohem, do të jem vetëm senator i thjeshtë i Firences, por zgjedhjet brenda partisë do të zhvillohen pas krijimit të qeverisë së re.
Kanë deklaruar se duan të qeverisin. Le ta bëjnë. Ne nuk na kanë bashkëudhëtarë. Do të na kenë përballë, deri në minutën e fundit.
Kur të krijohet qeveria e re, atëherë do të nisim zgjedhjet e brendshme me një anëtar një votë.
Nuk do të lejoj në asnjë çast komandim dhe vendime me dyer të mbyllura.
Nuk ka vota të PD-së për një qeveri ekstremistësh”
Ky ishte mesashi i Matteo Renzit që është marrë pasi ka takuar të gjithë parlamentarët e PD-së. Ka marrë prej tyre OK-in se nuk do të ketë një votë për një qeveri grilline apo salvine.
Nëse dështojnë dy të parët, atëherë Renzi, pa bërë zgjedhjet e brendshme edhe mund të rishikojë vendimin. /tesheshi.com/
