Përkundër formës katastrofale që po kalon me skuadrën angleze Chelsea, mesfushori i kombëtares serbe, Nemanja Matiç, është i gatshëm në luajë në sfidën ndaj Shqipërisë në ‘Elbasan Arena’. Madje, ai para nisjes në Tiranë thekson se atmosfera në stadium do të jetë motiv shtesë për lojtarët e përfaqsueses serbe.
“Jam përgatitur maksimalisht për këtë ndeshje. Kam lënë prapa lëndimin dhe jam i gatshëm për lojë. E dimë që na pret një atmosferë e zjarrtë pasi stadiumi do të jetë i mbushur, por kjo për ne do jetë motiv shtesë”, thekson Matiç.
Matiç shtoi se Shqipëria ka një ekip të mirë, por tregon se Serbia do të demonstrojë gjithë cilësitë që ka në fushë dhe do të hyjë në ndeshje për të fituar.
“Ne presim provokime, gjë që është normale në ndeshje të tilla. Për neve është e rëndësishme që gjithë fokusin ta kemi në fushë dhe të tregojmë maksimumin”, konkludoi Matiç. /tesheshi.com/
