Masakra e ndodhur mbrëmjen e të dielës (me orën lokale) në Las Vegas shkaktoi 58 viktima dhe qindar të plagosur. Por fatmirësisht nga qitjet me snajper dhe armë automatike të 64-vjeçarit të identifikuar si autor i masakrës, shpëtuan të paktën 15 shqiptarë.
Ata punojnë si roje sigurie apo kashierë në kazinonë që ndodhet përballë “Mandalay Bay Hotel”, vendit ku edhe ndodhi tragjedia.
Fatmir Frank Hamzaj është një biznesmen, i njohur në komunitetin shqiptar në Las Vegas, i cili ka folur për mediat pas masakrës, duke dhënë detaje.
“Në kazinonë përballë hotelit janë të punësuar mbi 15 shqiptarë, të cilët janë roje sigurie, apo punonjës të lojërave të fatit, dhe mirëmbajtës të kazinos së famshme “Mandalay Bay Hotel” në Las Vegas.
Në atë moment që ndodhi ngjarja asnjeri prej tyre nuk raportohet të ketë qenë në koncertin muzikor në rrugën 91-Str, i cili, është një shesh përballë kazinose, ku ndodhi ngjarja dhe fatmirësisht, të gjithë janë shëndosh e mire”, tregon Hamzaj.
Autori i dyshuar i sulmit, në Las Vegas, është një 64-vjeçar i quajtur Stephen Paddock.
Policia po punon për të gjetur motivin e sulmit.
Policia gjeti 23 armë në dhomën e tij të hotelit, si dhe 19 armë të tjera zjarri dhe eksplozivë në shtëpinë e tij në Nevada. /tesheshi.com/
