Ish ministri i Financave i Greqisë, Giorgos Papakonstantinou, është shpallur fajtor pas akuzës së bërë se ka hequr qëllimisht nga një listë e llogarive bankare të evazorëve fiskalë emrat e tre të afërmve të tij.
Gjykatësit kanë vendosur se Papakonstantinou, kishte hequr nga lista emrat e tre të afërmve të tij, përpara se listën e konsideruar si “lista Legarde”, ta çonte përpara policisë fiskale.
Tani, Giorgos Papakonstantinou rrezikon të dënohet me deri në 5 vite burg, por me shumë mundësi, dënimi mund ti reduktohet nëpërmjet një gjobe.
E ashtuquajtura “lista Lagarde” është një listë me emrat e qytetarëve grekë me llogari bankare në Zvicër, të dyshuar për evazion fiskal. Kjo listë është marrë nga ministri francez i financave dhe “lista Falciani” është dorëzuar në vitin 2010 tek ministri i financave Christine Lagarde. Më tej, ministri i atëhershëm grek Giorgos Papakonstantinou do të duhej të dorëzonte listën e re tek ministri i financave i Francës./tesheshi.com/
