Prokuroria Speciale në Kosovë ka ngritur një aktakuzë ndaj deputetit nga radhët e partisë së Ashkalive për Integrim, Etem Arifit.
Ai së bashku me të pandehurin B.G. akuzohen për veprën penale mashtrim në subvencione në bashkëkryerje nga neni 336 paragrafi 3 lidhur me nenin 31 të Kodit Penal të Republikës së Kosovës.
Sipas aktakuzës, i pandehuri ka shfrytëzuar pozitën e tij të deputetit për të ndikuar për dhënien e subvencioneve për OJQ-ën “Zëri i Ashkalinjëve për Integrim” duke siguruar në këtë mënyrë shumën prej 25.646,00€. Këto para nuk janë përdor për qëllime për të cilat janë dhënë por janë përvetësuar nga të pandehurit E.A. dhe B.G. dhe për persona të tjerë.
Prokuroria ka propozuar që pas mbajtjes së shqyrtimit kryesor të pandehurit të shpallën fajtor për veprën e kryer penale dhe të dënohen sipas ligjit, si dhe të obligohen t’ia kompensojnë Ministrisë së Punës dhe Mirëqenies Sociale shumën prej 22.900,00€ si dhe Zyrës së kryeministrit për komunitete shumën prej 2.749,00€.
E për këtë aktakuzë është i njoftuar edhe vet deputeti Arifi, i cili momentalisht ndodhet jasht Kosovës.
Ai ka thënë për mediat se aktakuza e ngritur është vetëm një fushatë kundër tij, e asgjë më shumë.
“Ka qenë një fushatë kundër meje, gjatë fushatës së zgjedhjeve të fundit parlamentare 2014. Asgjë tjetër nuk ka këtu”, tha Arifi. /tesheshi.com/
