Pask javë pas incidentit në një studio televizive, ku gazetari i njohur kosovar Milaim Zeka u godit me grushta nga vetëvendosësi Frashër Krasniqi, një tjetër goditje ka ardhur në adresë të tij, kësaj here nga drejtësia kosovare.
Siç informohet edhe zyrtarisht, Milaim Zeka, për më tepër dhe deputet, është vënë pas hekurave me akuzën e mashtrimit me viza.
“Mund t’ju konfirmojmë se sot Policia e Kosovës ka marrë në pyetje personin me inicialet M.Z. lidhur me veprën që ndërlidhet me “mashtrim” dhe shmangie nga tatimi”, njoftuan mediat kosovare.
Policia më tej thotë se të gjitha veprimet e mëtejme do t’i ndërmarrë në konsultim dhe koordinim me prokurorinë kompetente. /tesheshi.com/
