Për herë të parë shkencëtarët kanë llogaritur masën totale të të gjitha produkteve të prodhuara nga njeriu, të quajtur ndryshe “teknosferë”.
Teknosfera përfshin të gjitha strukturat njerëzore si ndërtesat, rrugët dhe urat, por edhe gjërat e vogla si teknologjia, rrobat dhe librat.
Pa përmendur landfillet, të gjitha mbeturinat e prodhuara nga njeriu, apo gjërat në natyrë që i kemi tjetërsuar, si fermat apo minierat.
Atëherë cila është masa totale e të gjithave? Sipas një ekipi prej 20 shkencëtarësh të Universitetit të Leicesterit në Britani, bëhet fjalë për diçka rreth 30 trilion ton.
Për të kuptuar sa e madhe është kjo sasi, mjafton ta ndajmë atë me sipërfaqën e Tokës dhe do të kemi afërsisht 50 kilogram për çdo metër katrorë në tokë. /tesheshi.com/
