I nxehti i ditëve të fundit sjell dhe nevojën për tu mbrojtur ndaj këtyre rrezeve, veçanërisht një nevojë e tillë është për të vegjlit dhe sapolindurit, që e kanë vështirë të përshtaten me temperatura e larta, në krahasim me të rriturit.
Për këtë arsye gjatë ditëve të nxehta është e nevojshme, që të tregohet një kujdes i veçantë. Por çfarë duhet bërë?
Mbajtja e ambienteve të freskëta duke i ajrosur vetëm në mëngjes herët dhe gjatë natës, si dhe përdorimi në mënyrë të moderuara të kondicionerit.
Kontrolli i vazhdueshëm i temperaturës tek të vegjlit është i domosdoshëm. Nëse është e nevojshme t’i freskojmë, bëjeni me një banjë të vakët.
Lëngjet me shumicë janë gjithashtu në detaj që nuk duhet neglizhuar kurrë. Nxitin fëmijët që të pijnë sa më tepër ujë.
Ushqimet e freskëta dhe të lehta, si shalqiri, kastraveci, por dhe fruta të tjera ndihmojnë për t’u hidratuar.
Gjithashtu specialistët rekomandojnë kujdes tek fëmijët e sëmurë, diarreja mund të jetë shkaktare e një dehidratimi të shpejtë.
Shikoni me vëmendje simptoma, si plogështia, tharja e lëkurës ose buzëve dhe mos hezitoni të kontaktoni mjekun.
Ajo që pediatërit theksojnë është që fëmijët nuk duhen lënë kurrë vetëm në makinë, apo në ambiente të mbyllura. /tesheshi.com/
