Numri i emigrantëve që përpiqen të kalojnë përmes eurotunelit në afërsi të Calais ka rënë në një shifër prej 150 personash në natë, nga 2 mijë të tillë në fund të muajit të kaluar.
Kompania që operon tunelin tha se masat ekstra të sigurisë të ndërmarra së fundmi, kanë bërë diferencën. Megjithatë, numri i atyre që përpiqen të kalojnë mbetet i papranueshëm.
Qeveria britanike thotë se po shpenzon 7 milionë paund për të përmirësuar sigurinë në eurotunel, por pranon se ka ende shumë për ë bërë. Gardhe shtesë janë ngritur rreth terminalit, që e bëjnë më të vështirë për emigrantët të arrijnë platformat dhe trenat në terminal.
Megjithatë, autoritetet mendojnë se ka ende emigrantë, edhe pse në numër të vogël, që ia dalin të shkojnë në Britani përmes eurotunelit. /tesheshi.com/
