Një projektligj i ri që pritet të miratohet në Francë ku parashikohen masat e reja kundër terrorizmit mund të ketë pasoja diskriminuese dhe vendos në rrezik të drejtat e njeriut në vend.
Është ky vlerësimi që bëjnë ekspertët e OKB, të cilëve iu referohet “The Guardian”.
Projektligji i propozuar nga presidenti, Emmanuel Macron, është projektuar për të lejuar që Franca t’i japë fund gjendjes së jashtëzakonshme dyvjeçare duke transferuar disa kompetenca të jashtëzakonshme policore.
Fionnuala Ní Aoláin, një raportues i posaçëm i OKB, tha se ligji përmban dispozita që mund të dëmtojnë të drejtat për lirinë, sigurinë, lirinë e tubimit dhe lirinë e fesë.
Një tjetër raportues i OKB-së, Michel Forst, paralajmëroi se projektligji, duke u debatuar nga parlamenti francez, rrezikoi krijimin e një “situate të përhershme emergjente”, duke i dhënë kompetencave të veçanta policore shtetërore pa kontrollin e duhur të gjyqtarëve dhe sistemit ligjor.
“OKB-ja është duke shqyrtuar draftin edhe për shkak të ndikimit dhe qëndrimit ndërkombëtar të Francës,” tha ai.
“Ajo që bën Franca nuk është e parëndësishme. Ne duam që Franca të bëjë përmirësime, në mënyrë që mos frymëzohen vende të tjera nga praktikat e këqija që mund të përdoren atje”, shton ai. /tesheshi.com/
