Policia e Pogradecit ka konfirmuar zyrtarisht se krimi i ndodhur në fshatin Blacë, ku Bashkim Mekolli qëlloi me thikë dhe sqepar gruan e tij Demirka, ka ndodhur për motive të dobëta.
Bashkëshorti vrasës ishte larguar nga banesa pas krimit, ndërsa u arrestua nga forcat e policisë.
Babai i autorit, në një rrëfim për mediat, tregoi se djali i tij ka qenë në gjendje depresive dhe merrte mjekim.
Sipas tij, çifti jetonin në kushte të mjerueshme në një kasolle, dhe kohët e fundit ai i kishte marrë të jetonin me të në shtëpinë e tij, aty ku dhe ndodhi krimi i rëndë.
Babai i autorit tregon momentet e fundit para krimit, se në çfarë gjendje e kishte lënë çiftin e bashkëshortëve para se të dilte nga shtëpia.
“Djali ka qenë prej kohësh i kuruar për depresion. Krimin e ka kryer kur ka qenë jashtë kontrollit. Kishin kushte të vështira. i kam marrë në banesë sepse jetonin në kasolle.
Sapo kam dalë nga shtëpia më ka lajmëruar nusja e nipit për vrasjen. Kur kam shkuar e kam gjetur nusen të pajetë, të masakruar, të mbuluar me gjak, ndërsa djali me thikë në dorë vinte vërdallë nëpër oborr”, u shpreh Nexhdet Mekolli, babai i autorit të krimit. /tesheshi.com/
