Aung San Suu Kyi do të hiqet nga lista e atyre që janë nderuar me titullit “Freedom of Oxford” (Liria e qytetit të Oksfordit), qytet ku ajo ka studiuar. Vendimi merret si pasojë e përgjigjes së saj ndaj krizës së Rohingya.
Këshilli i qytetit të Oksfordit votoi unanimisht për të mbështetur një lëvizje ndërpartiake, që tha se ishte tanimë e papërshtatshme ”të festohej për udhëheqësin de facto të Myanmarit”. Këshilli pritet të mbajë një mbledhje të veçantë për të konfirmuar heqjen e nderit më 27 nëntor.
Kreu i këshillit, Bob Price, mbështeti mocionin, raportohet se e quajti atë një “hap të paprecedent” për autoritetin lokal, sipas BBC.
Në muajt e fundit, Aung San Suu Kyi ka tërhequr kritika gjithnjë në rritje për mbrojtjen e saj të dukshme për trajtimin që Myanmar ka ndaj minoritetit të tij Rohingya, të përshkruar nga OKB si një shembull i qartë i spastrimit etnik.
Këshilli i Oksfordit i dhuroi asaj “Lirinë e qytetit” (emërtimi zyrtar i titullit) në vitin 1997, ndërkohë që ajo mbahej si një e burgosur politike nga junta ushtarake e Myanmarit.
Vendimi për heqjen e çmimit vjen pasi Kolegji i Oksfordit ku studioi Aung San Suu Kyi, kohët e fundit e hoqi portretin e saj nga holli i famës.
Trupi udhëheqës i kolegjit St Hugh vendosi të heqë pikturën e laureates së Nobel-it nga hyrja kryesore e shkollës. Një numër i institucioneve britanike thonë se po rishikojnë ose po i heqin nderimet që i janë dhënë Aung
San Suu Kyi gjatë fushatës së saj për demokraci. Unison, sindikata e dytë më e madhe e Britanisë së Madhe, njoftoi muajin e kaluar se do të pezullonte anëtarësimin e nderit të Aung San Suu Kyi dhe i kërkoi asaj të bënte më shumë për të denoncuar gjendjen e vështirë të njerëzve të Rohingya.
Universiteti i Bristolit, njëri nga një varg universitetesh që i dhuroi grada nderi udhëheqëses burmeze gjatë kohës së saj në opozitë, gjithashtu tha se po i shqyrtonte “nderimet” e dhëna, nisur nga dalja në dritë e akuzave për keqtrajtimin brutal të popullsisë Rohingia.
Bashkimi studentor i London School of Economics tha se do ta hiqte Aung San Suu Kyi nga posti i saj presidencial i nderit.
Si udhëheqëse e opozitës së Mjanmarit, Aung San Suu Kyi i fitoi vlerësimin ndërkombëtar dhe çmimin Nobel për Paqe në vitin 1991. Pavarësisht se ishte ndaluar të kandidonte për presidente, ajo fitoi bindshëm, në një fitore vendimtare në zgjedhjet e vitit 2015 dhe nga ku më pas i’u dha titulli këshilltar shtetëror.
Ndërkohë, një apel i madh për ngritjen e fondeve është nisur për të ndihmuar qindra mijëra njerëz që ikin nga dhuna në Burma. 13 organizatat bamirëse që përbëjnë Komitetin e Emergjencave të Fatkeqësive (DEC) ndërmorën veprime për të rritur ndihmën e tyre humanitare, pasi më shumë se gjysmë milioni njerëz kërkuan kujdes mjekësor, ushqim dhe faltore.
Ata janë myslimanë Rohingya të cilët kanë ikur në Bangladesh prej mizorive dhe vdekjeve në shtetin Rakhine, në bregun perëndimor të Mjanmarit
Qeveria e Britanisë së Madhe ka premtuar të bashkohet me 3 milion dollarët e parë të dhuruar nga publiku në apelin emergjent të DEC. /tesheshi.com/
