Departamenti amerikan i Shtetit thotë se është “thellësisht, thellësisht i trazuar” nga raportimet e reja që flasin për varre masive në Mianmar, në shtetin Rakhine, ku ushtria akuzohet se ka kryer masakra ndaj pakicës muslimane Rohingya.
Agjencia “Associated Press” konfirmoi më herët ekzistencën e më shumë se pesë varreve që nuk janë raportuar më parë, në fshatin
Gu Dar Pyin, përmes intervistave me të mbijetuarit në kampet e refugjatëve në Bangladesh dhe përmes videove të regjistruara me telefonë celularë.
“Ne po e vëzhgojmë situatën me shumë kujdes. Ne mbetemi të fokusuar për të ndihmuar në garantimin e nxjerrjes përpara përgjegjësisë të atyre që kanë kryer abuzime dhe shkelje të të drejtave të njeriut”, tha zëdhënësja e departamentit.
Sipas Nauert, raportimet nënvizojnë nevojën që autoritetet e Mianmarit të bashkëpunojnë me një hetim të pavarur dhe të besueshëm për këto akuza masakrash në shtetin Rakhine.
Edhe një zëdhënëse e OKB-së tha se raporti ishte “ekstremisht trazues” dhe apeloi Mianmarin të lejojë hyrjen në shtetin ku kanë ndodhur vrasjet. /tesheshi.com/
