Papa Françesku ka reaguar në lidhje me sulmin që ndodhi në Las Vegas, ku mbetën të vrarë 50 persona dhe u plagosën mbi 200 të tjerë.
Papa Françesku në reagimin e tij, sulmin e ka quajtur “tragjedi e pakuptimtë”.
”Thellësisht i pikëlluar kur mësova për të shtënat në Las Vegas. Papa Françesku dërgon sigurinë e afërsinë e tij shpirtërore për të gjithë ata që u prekën nga kjo tragjedi e pakuptimtë”, thuhet në një mesazh ngushëllues në lidhje me sulmin në Las Vegas.
Autori i sulmit në resortin e njohur është një 64-vjeçar, për të cilin thuhet se ka qëlluar veten pas masakrës. Ndërkohë, policia ka arrestuar një bashkëpunëtore të autorit të krimit, e cila ka qenë në shoqërinë e 64-vjeçarit, para kryerjes së masakrës. /tesheshi.com/
