Partia Demokratike i është vërsulur ministrit Tahiri lidhur me masakrën e të mërkurës mbrëma në Elbasan. Kreu Lulzim Basha tha se vrasjet nuk janë thjeshtë larje hesapesh, por produkt i klimës së krijuar në vend.
“Krimi, banditët, bandat, pengmarrësit, gjobëvënësit, trafikantët dhe vrasësit, kanë njohje, kanë mbështetje, kanë lidhje, kanë Ministrin. Ndaj lëvizin lirshëm, mbajnë uniformën e Policisë së Shtetit, vrasin e ekzekutojnë pa asnjë pengesë. Pa iu hyrë gjemb në këmbë. Si për t’u kujtuar të gjithë shqiptarëve se ne qeverisjen e Edi Ramës dhe Saimir Tahirit krimi ndihet dhe është çdo ditë në pushtet”, tha Basha.
Kreu i demokratëve kërkoi jo vetëm largimin nga detyra të Saimir Tahirit, por edhe vendosjen e tij para drejtësisë, për ato qëai i quajti “lidhje me bandat”. /tesheshi.com/
