Një javë pas masakrës së ndodhur në Elbasan, ku gjatë një atentati në një lokal mbetën të vdekur 3 persona dhe shtatë të tjerë u plagosën, policia nuk ka asnjë asnjë të prangosur, madje as një emër se kush shtiu mbi pjesëtarët e fisit Çapja.
Orët e para pas ngjarjes nisën të jepeshin detaje si gjetjet e armëve të hedhura në rrugë, se e ç’marke ishte makina e atentatorëve apo se në ç’krah e kishte timonin, por emrat e atyre që e shkaktuan atë masakër tronditëse nuk duhen ende cilët janë.
Informacionet më te fundit flasim për kontrolle të imtësishme policore në pyllin e Krastës, pasi mendohet se aty mund të jenë fshehur atentatorët, duke lënë dhe gjurmë, si rroba apo ndonjë send tjetër.
Ndërkohë, as nga goja e të plagosurve nuk ka dalë ndonjë emër i dyshuar gjatë marrjes në pyetje nga hetuesit, por që dyshohet se ata e dijnë porse nuk duan të flasin.
Pas atentatit ndaj bankierit Santo, autori i të cilit nuk është zbuluar ende pas dy vjetësh, e rrëmbimit të Stafukës në Fushë Krujë, kjo është e treat ngjarje e rëndë që nuk po arrin dot të zbulohet nga policia.
Ndërsa gjatë kohës së qeverisjes së PD-së, dy ngjarje të rënda mbetën të pazbardhura: vrasja e deputetit socialist Fatmir Xhindi, si dhe ajo me telekomandë e gjygjtarit të Vlorës, Skerdinaljt Konomi. /tesheshi.com/
