Për shkak të numrit në rritje të infeksioneve COVID-19 në Rusi, presidenti Vladimir Putin ka futur një dispozitë që lejon qytetarët e Moskës të shkojnë në kafene dhe restorante vetëm me një certifikatë COVID.
Kjo do të thotë se ata janë vaksinuar ose e kanë kaluar koronavirusin.
Në Moskë, pra, që nga e hëna, është e detyrueshme të tregosh një certifikatë me një kod që vërteton vaksinimin ose që ke kaluar COVID-in teksa hyn në restorant apo bar.
Deri më tani, janë realizuar vetëm 2.5 milion lejime të tilla për 12 milion banorë, shkruan Bloomberg.
Zyrtarët qeveritarë thanë se kjo mund të vlente edhe për dyqanet, vendet e argëtimit dhe transportin publik nëse rastet vazhdojnë të rriten.
Duhet të theksohet se Rusia ka raportuar një numër rekord të vdekjeve nga koronavirus për disa ditë.
Më shumë se 20,000 infeksione të reja janë raportuar në 24 orët e fundit.
Megjithëse ky vend ishte ndër të parët që njoftoi fillimin e vaksinimit masiv, vetëm rreth dhjetë përqind e popullsisë është vaksinuar plotësisht deri më tani. /tesheshi.com/
