Ministria e Arsimit thotë se shkolla jopublike “Saadi” me financim nga Irani, nuk është mbyllur nga qeveria por nga vetë ajo.
Një zhvillim që përkon me tensionin edhe mes Tiranës dhe Tehereanit, veç atij global pas vrasjes së gjeneral Soleimanitnga amerikanët, sipas MAS nuk ka të bëjë me ndonjë mbyllje qeveritare.
Shkolla është mbyllur me kërkesë të vetë subjektit që ka themeluar shkollën për arsye të reduktimit të të ardhurave dhe aftësisë paguese, dhe jo për arsyet që janë raportuar në shumë portale pa bërë as më të voglin verifikim me stafin e MASR. Zhgënjyese në këtë rast mungesa e interesimit për të raportuar faktet!”, shkruhet në postimin e MASR.
Shkolla “Saadi” funksiononte që nga viti 2000. Duke iu referua pretendimit të Ministrisë, ngjan si koiçidencë mbyllja në mes të sezonit dhe në një moment të mbingarkuar politik, fill pas dëbimit nga Tirana të dy diplomatëve iranianë. /tesheshi.com/
