Pavarësisht numrit të divorceve që ndikojnë në faktin se martesa nuk do të thotë më fjalë për fjalë “derisa vdekja të na ndajë”, asnjë prej të porsamartuarve në momentin e martesës nuk mendon se një divorc mund të ndodhë së shpejti.
Dhe kjo është pikërisht ajo që ndodhi me një çift të martuar në Kuvajt, lumturia martesore e të cilëve zgjati fjalë për fjalë tre minuta.
Teksa po dilnin nga gjykata ku ishin martuar, nusja u pengua dhe u rrëzua përtokë.
Me sa duket, dhëndri e quajti gruan budallaqe për gabimin e saj.
Tallja e burrit ishte e tepërt për gruan, ajo u zemërua shumë dhe menjëherë shkoi te gjyqtari që lidhi martesën, për ta anuluar atë.
Gjyqtari në gjykatën në Kuvajt nuk kishte asgjë kundër dhe pranoi anulimin pas vetëm tre minutash martesë, shkruan British Mirror. /tesheshi.com/
