Një veteran i Luftës së Dytë Botërore u martua në 80-vjetorin e zbarkimit të Normandisë pranë plazheve të Francës.
Harold Terrence – një veteran 100-vjeçar i Forcave Ajrore të Ushtrisë Amerikane që jeton në Florida – u bashkua në martesë me 96-vjeçaren Jeanne Swerlin të shtunën, më 8 qershor gjatë një ceremonie në Carentan-les-Marais, në rajonin e Normandisë të Francës veriore.
Ceremonia u krye nga kryetari i bashkisë së Carentan, Jean-Pierre L’Honneur. Çifti shkëmbyen unazat e martesës në bashkinë e qytetit dhe u shfaqën përmes një dritareje të hapur njerëzve jashtë për të përkujtuar pushtimin aleat të Francës së pushtuar nga nazistët.
Veterani i Luftës së Dytë Botërore – me origjinë nga Bronx, New York – vizitoi Francën si një tetar i Forcave Ajrore kur ishte 20 vjeç. Terens ishte regjistruar në vitin 1942 dhe ishte vendosur në Angli, ku punoi si teknik i riparimit të radios për një njësi luftarake me katër pilotë.
Duke folur me të pranishmit në dasmë, Swerlin deklaroi me krenari për bashkëshortin e saj: “Dashuria nuk është vetëm për të rinjtë. Ai është puthësi më i mirë”. /tesheshi.com/
