Në Elbasan, qytetin shqiptar simbol të bashkëjetesës fetare, u organizua marshimi tradicional i paqes, nën moton “Jo krimit, po drejtësisë”.
Ndodh kjo ndërsa këtë qytet e kanë tronditur së fundi disa ngjarje që e kanë shndërruar në njollë për rendin e drejtësinë në Shqipëri.
Marshimi, i cili tashmë është shndërruar në një rit të përvitshëm, u organizua Qendra e Bashkëpunimit Fetar që ekziston në këtë qytet, një përcjellëse adekuate e asaj çfarë i mungon shoqërisë shqiptare, e sidomos politikës së saj.
Sepse, ndërsa besimet bëhen bashkë për të mirën e përgjithshme, politika nuk e bën një gjë të tillë. Kështu, marshimit iu bashkuan deputetët Taulant Balla e Elvis Kushi, por kolegët e tyre demokratë munguan. Kjo ishte e vetmja e metë e marshimit. /tesheshi.com/
