Të famshëm, muzikantë dhe politikanë drejtuan mijëra mbështetës të themeluesit të WikiLeaks Julian Assange në një marssh të ahtunën në Londrën qendrore për të kundërshtuar ekstradimin e tij në Shtetet e Bashkuara.
Babai i Assange, John Shipton gjithashtu foli në këtë tubim. Ai tha se djali i tij ishte burgosur pa asnjë bazë.
Të mbledhurit bartnin pankarta ku lexohej “Gazetaria nuk është krim”, “Lëshoni Julian Assange.” Të tjerët thanë se ekstradimi ishte një “turp” për qeverinë e kryeministrit britanik Boris Johnson.
Aktivistët po planifikojnë protesta të mëdha të hënën kur Assange fillon dëgjimin e tij për ekstradim në Shtetet e Bashkuara.
Tim Dawson nga Unioni Kombëtar i Gazetarëve thotë se është “problematike” që çështja nuk i interesoi mediave britanike dhe paralajmëroi se ekstradimi i Assange do të rrezikonte lirinë e mediave.
Departamenti i Drejtësisë i SHBA-së po akuzon Assange, së bashku me ish-raportuesin amerikan Chelsea Manning, për lëshimin e informacionit konfidencial në 2010.
Manning u dënua me shtatë vjet burg për rrjedhjet e dokumenteve, përfshirë pamjet ushtarake të Departamentit të Shtetit, për të tërhequr vëmendjen e publikut në luftërat në Irak dhe Afganistan.
Assange kaloi shtatë vjet në ambasadën e Ekuadorit në Londër derisa u dëbua në prill. Ai kërkohet nga Shtetet e Bashkuara për tetëmbëdhjetë akuza, duke përfshirë hackimin e kompjuterave të qeverisë dhe shkeljen e ligjeve të spiunazhit. Nëse dënohet, ai mund të kalojë dekada pas hekurave.
Assange, një person me origjinë australiane, u bë i famshëm në fillim të dekadës së fundit kur WikiLeaks lëshoi një regjistrim ushtarak të klasifikuar të një sulmi amerikan në 2007, ku një helikopter Apache në Bagdad vret një duzinë njerëzish, përfshirë dy punonjës të Reuters.
Organizata e tij më vonë zemëroi Uashingtonin me publikimin e dokumenteve ushtarake dhe shënimeve diplomatike. /tesheshi.com/
