Olimpiku i Marsejës po kalon një moment mjaft të mirë në futbollin francez. Vendi i dytë në Ligën e Parë është shoqëruar ditën e djeshme me një fitore të thellë në një të tetat e Kupës së Francës.
Marseja arriti fitoren më të thellë në shtatëdhjetë vite, duke mundur 0-9 në fushë kundërshtare Burk-an-Bresin, një ekip të Ligës së Dytë.
Më e çuditshmja qe se të nëntë golat erdhën pas vetëm dhjetë goditjeve në portë.
Tre prej tyre i shënoi sulmuesi grek Mitroglou, tre të tjerë i shënoi Ocampos; Luiz Gustavo, Payet dhe N’Jie e tundën gjithashtu nga një herë rrjetën e portës kundërshtare, dy të fundit me 11-metërsha.
Marseja e pati regjistruar një fitore të ngjashme, 10-1, në 1948-n, në të njëjtin aktivitet, ndaj një tjetër ekipi.
Vetëm pak ditë më parë, të premten e shkuar, Olimpiku i Marsejës fitonte 6-3 në kampionat ndaj Metzit. Me 27 gola të shënuar në të gjitha veprimtaritë futbollistike gjatë këtij viti, Marseja renditet pas PSG-së në pesë ligat më të mira të Europës. Ekipi i kryeqytetit francez ka shënuar 32 gola që me nisjen e 2018-s; më tepër se çdo skuadër tjetër në këto liga. /tesheshi.com/
