Sipas studimit të fundit shkencor, marrja e barnave kundër depresionit rrit rrezikun e vdekjes së hershme me 33%.
Shkencëtarët në Universitetin MCMaster në Kanada kanë zbuluar se medikamentet kundër depresionit mund të ndikojnë në funksionimin e duhur të organeve duke bllokuar thithjen e serotoninës, një substancë kimike dhe neurotransmetues i njohur, i rëndësishëm në transmetimin e pulsit midis qelizave nervore, por që gjithashtu luan një rol në qarkullimin e gjakut.
“Ne jemi shumë të shqetësuar për rezultatet. Ato sugjerojnë se ne nuk duhet të marrim antidepresantë pa një kuptim më të qartë të ndërveprimeve të tyre me trupin”, tha profesor Paul Andrews, një nga shkencëtarët që punoi në hulumtim.
Për të arritur rezultatin, ata mblodhën të dhëna nga qindra mijëra njerëz që konsumonin ilaçe kundër depresionit, njoftojnë mediat amerikane.
Ata gjithashtu gjetën se ata persona që morën ilaçe kundër depresionit ishin 14 për qind më në rrezik nga goditja në tru dhe problemet kardiovaskulare si sulmi në zemër.
Rezultatet e hulumtimit u botuan të enjten në revistën shkencore Psikoterapia dhe Psikosomatika.
