Presidenti rus, Vladimir Putin ka nënshkruar një ligj i cili ratifikon një marrëveshje me qeverinë siriane për të lejuar Rusinë që të mbajë bazën e saj ajrore në Siri për pothuajse gjysmë shekulli.
Dokumenti është vendosur në portalin informativ të qeverisë ruse.
Ligji ratifikon marrëveshjen e nënshkruar mes Rusisë dhe Sirisë, dhe i mundëson aviacionit rus që të përdor bazën ajrore Hmeymim pa pagesë për një periudhë prej 49 vjet, me një mundësi vazhdimi edhe për 25 vjet.
Protokolli i marrëveshjes ruse-siriane të vitit 2015, “që ka për synim krijimin e një kornize ligjore ndërkombëtare që rregullon kushtet për vendosjen e grupit të forcave ajrore ruse”, u nënshkrua më 18 janar të këtij viti në Damask.
Para se ta nënshkruajë Putin si ligj, protokollin e kanë ratifikuar të dyja dhomat e Parlamentit rus.
Grupi i aviacionit rus është i vendosur në bazën Hmeymim, për të ndihmuar qeverinë siriane në luftën kundër grupit të armatosur të Shtetit Islamik të Irakut dhe Levant dhe grupeve të tjera, me kërkesë të presidentit sirian Bashar al-Asad, raporton Xinhua. /tesheshi.com/
