Presidenti Trump dhe udhëheqësit demokratë të Kongresit kanë arritur një marrëveshje të përkohshme për të zhbllokuar qeverinë amerikane, duke vendosur që ta shtyjnë për më vonë diskutimin për fondin prej 5.7 miliardë dollarësh për murin me Meksikën
Trump, duke folur në Shtëpinë e Bardhë të premten, tha se marrëveshja ishte arritur,.
Ai tha se ishte gati të bllokonte përsëri qeverinë nëse ligjvënësit dhe Shtëpia e Bardhë nuk binin dakort për financimin e murit.
“Për të qenë të qartë: ne nuk kemi mundësi të tjera veçse të ndërtojmë një mur. Nëse Kongresi nuk na ofron një zgjidhje të drejtë, qeveria do të ndalojë punën më 15 shkurt”, tha Trump.
Ai tha se do të sigurohej që të gjithë punonjësit të paguhen shumë shpejt.
Bllokada e pjesshme e punës së autoriteteve federale përfshiu rreth 800,000 punonjës në të gjithë SHBA, të cilët janë në pushim të detyruar ose që punojnë pa shpërblim. /tesheshi.com/
